କିଏ ତୁମେ କୁହ କେଉଁଠାରେ ରୁହଡାକେ ଯାହାକୁ ଈଶ୍ଵର ?କେତେ ତୁମ ନାମ କାହିଁକି ବା ଏତେମିଳେନା କେବେ ଉତ୍ତର ।ଖୋଜିଛି ତୁମକୁ ପଥର ପୟରେଛବିଳ କାଗଜ କୋଳେ ।ଦେଖି ନାହିଁ ଶୁଣି- ନାହିଁ କିନ୍ତୁ କେବେପୂଜାର ମାୟାଜାଲେ ।ପାଇଛି ଯେବେ ବି ଖୋଜିଛି ତୁମକୁଜୀବନକୁ ଦଗ୍ଧ କରି ।ନୀରବରେ ମୋତେ ନିଜର କରିଛଅନ୍ତରର ଶକ୍ତି ପରି ।କୁହୁଡ଼ିରେ ଜାଳି ଦୀପ ଶିଖାଟିଏବାଟ ଦେଖାଇଛ ସେବେ,ସୁଖ ଲୋଭେ ପଡ଼ି ମାୟା ଭଉଁରୀରେଦମ୍ଭ ହାରିଛି ଯେବେ ।ଚିର ଶୂନ୍ୟର ସୌଦାଗର ତୁମେ,ଚିର ପୂର୍ଣ୍ଣତାର ଆଶା ।ଚିର ଶାନ୍ତିର ଏକାକୀ ବଣିକ,ଚିର ଆନନ୍ଦର ଭାଷା ।ମହାପୁରୁଷ ସେ ନୁହଁ ଜମା ତୁମେ,ଦୁର୍ଲଭ ଯାହାର ପ୍ରାପ୍ତି ।ଆତ୍ମ ହୃଦୟର ଆତ୍ମଶକ୍ତି ତୁମେ;ତୁମେ ହିଁ ଆତ୍ମାର ତୃପ୍ତି ।ସମୟର ତୁମେ ନୀରବ ଉତ୍ତରନିଶ୍ଚିହ୍ନ ମଧ୍ୟେ ସ୍ଥିତ ।ତୁମରି ଆଭାସ ଶୀତଳ ବୃଷ୍ଟିରେ,ତୁମେ ହିଁ ପକ୍ଷୀର ଗୀତ ।ଖୋଜୁଥିଲି ଯା’କୁ ବାହ୍ୟ ପ୍ରଦେଶରେପଡ଼ି ଉଠି ବାରମ୍ବାର,ଦେଖିଲି ଆଜି ମୁଁ ନିଜ ମଧ୍ୟେ ତୁମସତ୍ତାରେ ପୂର୍ଣ୍ଣ ଅନ୍ତର ।ଶକ୍ତି ନିରୁଦ୍ଦିଷ୍ଟ ମନର ମୋ ତୁମେମୋ କ୍ଳାନ୍ତ ପାଦର ପଥ ।ତୁମେ ହିଁ ମୋ ସତ୍ତା କିଛି ନୁହେଁ ଆଉସାରଥି ତୁମେ ମୁଁ ରଥ ।ଚିର ଜାଗ୍ରତ ହୋଇ ରୁହ ପ୍ରଭୁଚିର ବନ୍ଧୁ ପରି ମନେ ।ଚିର ଶାନ୍ତି ହୋଇ ବିଲୀନ କରିବଚିର ଶୂନ୍ୟରେ ଦିନେ ।
Sunday 23 July 2017
ଈଶ୍ଵରଙ୍କ ପ୍ରତି . . .
Labels:
Devotional,
Odia Poems,
Personal View,
Poems
Subscribe to:
Post Comments (Atom)
No comments:
Post a Comment